Vasila Palakova aryštavali na 15 sutak
Žychara Homiela zatrymali 1 listapada.
03.11.2023 / 19:23
Vasil Palakoŭ. Fota z sacyjalnych sietak
Palakova vyklikali pa poźvie, ale potym u kajdankach pryvieźli dadomu, praviali vobšuk i zatrymali.
Pa infarmacyi pravaabaroncaŭ «Viasny», sud nad aktyvistam adbyŭsia siońnia, 3 listapada, u Homieli. Pa papiaredniaj infarmacyi, jaho abvinavacili ŭ «raspaŭsiudzie ekstremisckich materyjałaŭ» (art. 19.11 KaAP). Vynik — 15 sutak aryštu.
Palakoŭ — nastaŭnik historyi, zvolnieny pa palityčnych matyvach. Karotki čas jon uznačalvaŭ Abjadnanuju hramadzianskuju partyju.