Prarasijski kiraŭnik sierbskaj śpiecsłužby čakaje zvalnieńnia
Adstaŭki Alaksandra Vulina dabivalisia ZŠA i Jeŭrasajuz.
03.11.2023 / 19:35
Aleksandar Vulin padčas presavaj kanfierencyi prezidenta Sierbii Alaksandra Vučyča 8 kastryčnika 2023 hoda. Fota AP Photo/Darko Vojinovic
Kiraŭnik Ahienctva infarmavańnia i biaśpieki Sierbii Alaksandar Vulin padaŭ prašeńnie ab adstaŭcy, paviedamlajuć sierbskija ŚMI. Sa słoŭ samoha Alaksandra Vulina, jon vymušany zrabić heta pad ciskam Zachadu, kab paźbiehnuć uviadzieńnia sankcyj suprać Sierbii.
Vulin zajmaŭ pasadu dyrektara BIA ź listapada 2022 hoda, a da hetaha ŭznačalvaŭ Ministerstva ŭnutranych spraŭ.
Uletku 2023 hoda Vulin trapiŭ u sankcyjny śpis ZŠA «za ŭdzieł u karupcyjnych schiemach». Jaho adstaŭki patrabavała i sierbskaja apazicyja.
Rasijskaja antypucinskaja emihracyja vinavaciła Vulina ŭ spryjańni pracy rasijskaj ahientury na terytoryi Sierbii.
Prezident Sierbii Alaksandar Vučyč pravodzić palityku bałansavańnia miž Zachadam, Rasijaj i Kitajem. Tym nie mienš, dałučeńnie da Jeŭrapiejskaha sajuza zastajecca stratehičnaj metaj Sierbii, jakuju amal całkam atačajuć krainy ES. Usie susiedzi krainy iduć kursam na ES taksama.
Daterminovyja parłamienckija vybary ŭ Sierbii pryznačanyja na 17 śniežnia 2023 hoda.