Sabalenka prabiłasia ŭ paŭfinał vynikovaha turniru, ale jaje matč raściahnuŭsia na dva dni
Aryna ŭ trecim matčy hrupavoha raŭnda pieramahła pradstaŭničku Kazachstana Alenu Rybakinu. Vynikovy turnir najmacniejšych tenisistak śvietu, u jakim biaruć udzieł vosiem dziaŭčat, prachodzić u mieksikanskim Kankunie.
04.11.2023 / 07:50
Aryna Sabalenka. Fota: Clive Brunskill / Getty Image
Matč Sabalenka — Rybakina pačaŭsia jašče sutki tamu. Aryna vyjhrała pieršy set ź likam 6:2, u druhim viała Rybakina 5:3, ale hulniu pierapynili z-za mocnaha daždžu i vietru.
I pajadynak dahulali siońnia nočču pa biełaruskim časie. Rybakina ŭziała hety set — 6:3. A ŭ trecim secie biełaruska pieramahła — 6:3.
Sabalenka z druhoha miesca vyjšła ŭ paŭfinał turniru, dzie sustreniecca z eks-pieršaj rakietkaj śvietu Ihaj Śviontak.
Polka viernie sabie pieršaje miesca, kali vyjhraje turnir.
U druhim paŭfinale zhulajuć amierykanki Džesika Piehuła i Kory Haŭf.
Sabalenka stała pieršaj rakietkaj śvietu 11 vieraśnia paśla Adkrytaha čempijanatu ZŠA pa tenisie.
Čytajcie taksama:
Aryna Sabalenka zapatrabavała pavialičyć joj zarobak
Sierena Uiljams vyrazała z sumiesnaj fatahrafii Arynu Sabalenka