«Ich vyzvaleńniem zajmajecca ukrainskaja dziaržava». Sachaščyk raspavioŭ pra los dobraachvotnikaŭ, što znachodziacca ŭ pałonie
Ukraina pamiataje pra biełaruskich dobraachvotnikaŭ, jakija znachodziacca ŭ rasijskim pałonie, raskazaŭ pradstaŭnik kabinieta Śviatłany Cichanoŭskaj Valer Sachaščyk u razmovie ź Jeŭraradyjo. Jon asabista nieadnarazova źviartaŭsia da adkaznych pa hetym pytańni ludziej.
05.11.2023 / 11:02
Jan «Trombli» Dziurbiejka (źleva) i Siarhiej «Klešč» Dziohcieŭ
«I atrymoŭvaŭ adkaz: heta vielmi dalikatnaje pytańnie. Biełarusy, što znachodziacca ŭ pałonie, źjaŭlalisia i źjaŭlajucca vajskovasłužboŭcami Uzbrojenych sił Ukrainy. Ich vyzvaleńniem zajmajecca ukrainskaja dziaržava. Raniej ci paźniej vynik budzie, jany buduć vyzvalenyja. Ale kali — prahnazavać ciažka, bo da hetaj pary i tysiačy ŭkrainskich vajennych znachodziacca ŭ pałonie», — tłumačyć Sachaščyk.
Paŭpłyvać na terminy vyzvaleńnia biełarusaŭ kabiniet nie maje mahčymaści.
Viadoma pra jak minimum dvuch biełaruskich dobraachvotnikaŭ, što trapili ŭ pałon padčas bajavych dziejańniaŭ va Ukrainie. Heta Siarhiej «Klešč» Dziohcioŭ i Jan «Trombli» Dziurbiejka.