Беларусь і Іран уклалі дамову на пастаўкі калійных угнаенняў
5.11.2023 / 23:19
Пасол Ірана ў Беларусі Алірэза Санеі распавёў на АНТ, што Беларусь і Іран уклалі паспяховую дамову адносна паставак калійных угнаенняў.
Фота: «Беларуськалій»
Па яго словах, яны дамовіліся аб пастаўках 400 тысяч тон. Якая гэта сума ў валюце, не называлася.
Таксама Іран гатовы стаць хабам для Беларусі на іншыя рынкі на трэція краіны.
Нядаўна паведамлялася, што Беларусь — ключавы пастаўшчык калію на кітайскі рынак. Па выніках дзевяці месяцаў 2023 года Кітай заплаціў за імпарт беларускага калію каля $1,25 млрд (+$505 млн да ўзроўню студзеня-верасня 2022 года).