Mazyrskim daišnikam daviałosia stralać, kab spynić niećviarozaha kiroŭcu
6.11.2023 / 10:58
Niekatory čas BMW uciakała z prabitymi kołami.
Supracoŭniki DAI ŭ Mazyry źviarnuli ŭvahu na «BMV», kiroŭca jakoha, pabačyŭšy milicejskaje aŭto, rezka źviarnuŭ u dvor i pasprabavaŭ schavacca. Inśpiektary pačali pieraśled i zapatrabavali spynicca.
U vyniku pačałasia pahonia. Paśla nieadnarazovych patrabavańniaŭ ab spynieńni i sihnałaŭ milicyjaniery pačali stralać pa kołach.
U vyniku navat z dvuma prabitymi kołami mašyna praciahvała ruch. Jaje ŭdałosia spynić tolki za miežami horada.
Za rulom akazaŭsia 20-hadovy žychar Jelskaha rajona. Ekśpiertyza pakazała najaŭnaść 1,7 pramile ałkaholu ŭ vydychanym pavietry. U vyniku na chłopca skłali 8 administracyjnych pratakołaŭ.