Сабаленка больш не першая. Свёнтэк вяртае сабе званне першай ракеткі свету
Польская тэнісістка Іга Свёнтэк выйграла выніковы турнір WTA.
07.11.2023 / 06:22
Арына Сабаленка. Фота: Robert Prange / Getty Images
Сёння ноччу польская тэнісістка ў фінале выніковага турніру WTA (Жаночай тэніснай асацыяцыі), што прайшоў у мексіканскім Канкуне, разграміла амерыканку Джэсіку Пегулу 6:1, 6:0.
Іга вяртае сабе званне першай ракеткі свету. Фармальна гэта адбудзецца ў наступны панядзелак, калі абновіцца рэйтынг тэнісістак-прафесіяналак. Свёнтэк застанецца першай ракеткай да канца года.
Сабаленка стала першай ракеткай пасля Адкрытага чэмпіянату ЗША па тэнісе 11 верасня і была ў гэтым статусе два месяцы. Арына ў гэтым годзе выйграла Адкрыты чэмпіянат Аўстраліі і турніры ў Адэлаідзе і Мадрыдзе.
На выніковым турніры WTA, у якім узялі ўдзел восем наймацнейшых тэнісістак, Сабаленка ў паўфінале прайграла менавіта Свёнтэк.
Чытайце таксама:
Арына Сабаленка запатрабавала павялічыць ёй заробак
Серэна Уільямс выразала з сумеснай фатаграфіі Арыну Сабаленка