Заснавальнікі выдання «Аўтабізнэс» заявілі аб спыненні праекта
Заснавальнікі ТАА «Бонусгандаль», якім належыць выданне «Аўтабізнэс» (сайт abw.by), пракаментавалі нядаўні арышт дырэктара кампаніі Віталя Палякова. Паводле іх, зрабіць гэта бізнэсоўцаў «папрасілі».
08.11.2023 / 17:36
У сваім тлумачэнні бізнэсоўцы адзначаюць, што Віталь Палякоў — нядаўні супрацоўнік, ён прыйшоў на працу ў кампанію толькі 29 верасня 2023 года з выпрабавальным тэрмінам у тры месяцы, на момант затрымання не прапрацаваў у калектыве яшчэ і месяца і не атрымаў ніводнага заробку. Да ўсяго ж ён яшчэ не паспеў афіцыйна прадставіць сваё бачанне развіцця сайта. Пра ягоныя погляды і ўвогуле бэкграўнд ніхто, маўляў, ведаць нічога не мог, і таму затрыманне гэтага чалавека не мусіць успрымацца як рэпрэсія супраць кампаніі.
«Мы палітычна не ангажаваныя, ні ў чым не ўдзельнічалі, нікога не фінансавалі і, паводле меркавання, выказанага А.Р. Лукашэнкам у адным з інтэрв'ю, што ў бізнэсоўца — або бізнэс, або палітыка, заўсёды выбіралі бізнэс», — заяўляюць заснавальнікі ТАА «Бонусгандаль».
У той жа час: «Сёння ў сілу розных абставінаў мы падышлі да таго моманту, калі гатовыя спыніць працу сайта Abw.by».
Сваё рашэнне выдаўцы тлумачаць чыста эканамічнымі прычынамі:
«Гэта можна было зрабіць і раней. З пачаткам пандэміі, наступнымі эканамічнымі санкцыямі прадпрыемства стала стратным, так як прыбытковасць аўтамабільных парталаў звязана з агульным становішчам на аўтарынку краіны. Мы 3 гады спрабавалі паправіць сітуацыю да лепшага, у тым ліку наймаючы добрых праграмістаў, змяняючы дырэктараў.
Не хацелася спыняць гісторыю, на наш погляд, лепшай у краіне аўтамабільнай журналістыкі, якая бярэ свой пачатак у 1993 годзе, яшчэ з газеты «аўтабізнес». 30 гадоў мы былі са сваімі чытачамі, выгадавалі плеяду выдатных спецыялістаў».
Супрацоўнікам выдання, «найлепшым ў сваіх сферах», абяцаюць пры звальненні абяцаюць выплаціць «належныя па законе кратныя аклады і нават больш у выглядзе выхадных дапамог».
Чытайце таксама:
Кітаізацыя беларускага аўтарынку набірае абароты. Чаму так адбываецца?
«Паглядзіце мне ў вочы». З'явіўся поўны тэкст апошняга слова рэдактара Манцэвіча
«Ніколі не здраджваў Бацькаўшчыне». Рэдактару «Рэгіянальнай газеты» прысудзілі 4 гады калоніі