Daniłaŭ: Ukraina maje šalonyja pośpiechi na Krymskim napramku
Sakratar Rady nacyjanalnaj biaśpieki i abarony Ukrainy vykazaŭ upeŭnienaść, što buduć jašče pryjemnyja naviny z Kryma.
09.11.2023 / 09:13
Na hetym fota hubiernatar anieksavanaha Sievastopala Michaił Razvažajeŭ 13 vieraśnia 2023 hoda razmaŭlaje pa mabilnym telefonie, u toj čas jak dym i połymia padymajucca ad achoplenaj ahniom Sievastopalskaj sudnavierfi ŭ Krymie. Fota: telehram-kanał Michaiła Razvažajeva via AP
Ukraina maje vielizarnyja dasiahnieńni źniščeńnia vajskovych resursaŭ rasijanaŭ u akupavanym Krymie. Pra heta zajaviŭ u efiry telemarafona sakratar Rady nacyjanalnaj biaśpieki i abarony Alaksiej Daniłaŭ, piša ukrinform.ua.
«Ciapier my majem šalonyja pośpiechi na Krymskim kirunku. My ŭvieś čas źviartajem uvahu na toje, što tyčycca sušy. Ale toje, što tyčycca źniščeńnia Rasijskaj Fiederacyi, źniščeńnia ich aktyvaŭ na terytoryi Kryma i źniščeńnia Čarnamorskaha fłotu — heta vielizarnyja dasiahnieńni našaj krainy», — skazaŭ Daniłaŭ.
Jon vykazaŭ upeŭnienaść, što buduć jašče pryjemnyja naviny pa źniščeńni zachopnikaŭ i ich resursaŭ na Krymskim kirunku.
Čytajcie taksama:
Załužny: Vajna zajšła ŭ tupik. Jana moža zaciahnucca na hady i vymatać ukrainskuju dziaržavu
Pry jakich umovach Ukraina vyzvalić Krym i što z Danieckam? Mierkavańnie Sachaščyka
Ukrainski Hienštab uskosna paćvierdziŭ paviedamleńni ab novym desancie na levy bierah Dniapra