Śviatłana Cichanoŭskaja abmierkavała z kiraŭnictvam YouTube padtrymku biełaruskaj movy na płatformie
Pradstaŭnica YouTube Sabin Frank adznačyła, što mahčymaść padtrymki biełaruskaj movy ŭ Google Ads užo abmiarkoŭvajecca.
09.11.2023 / 11:35
Biełaruskaja lidarka naviedała ofis YouTube u Bierlinie, dzie sustrełasia z kiraŭnicaj płatformy adkaznaj za suviazi z uradam Sabin Frank, paviedamlaje pres-słužba Śviatłany Cichanoŭskaj.
Na sustrečy abmierkavali padtrymku biełaruskaj movy ŭ YouTube. Ciapier našaja mova padtrymlivajecca ŭ balšyni servisaŭ YouTube, dastupnaja ŭ interfiejsie i dazvalajecca manietyzacyja biełaruskamoŭnaha kantentu.
Pradstaŭnica YouTube adznačyła, što mahčymaść padtrymki biełaruskaj movy ŭ Google Ads užo abmiarkoŭvajecca.YouTube adsočvaje i imkniecca vydalać źniavažlivyja videa, zapisanyja siłavikami pad prymusam, kanały i akaŭnty prapahandystaŭ.
Taksama Cichanoŭskaja i Frank abmierkavali mahčymaść arhanizacyi treninhaŭ dla biełaruskich miedyja i inicyjatyvaŭ z udziełam śpiecyjalistaŭ YouTube.