Aficer FSB zahinuŭ u vyniku abstrełu mašyny pamiežnikaŭ u Branskaj vobłaści
U rehijon zachodzili bajcy «Ruskaha dobraachvotnickaha korpusa».
10.11.2023 / 15:34
Fota: RDK
Aŭtamabil pahrankiravańnia padvierhsia abstrełu ŭ Branskaj vobłaści. U vyniku zahinuŭ padpałkoŭnik FSB, paviedamlaje «Nastojaŝieje vriemia».
Zahinuły — namieśnik načalnika adździeła materyjalna-techničnaha zabieśpiačeńnia PU FSB padpałkoŭnik Siarhiej Šaty. Heta ž imia nazyvaje aŭtar telehram-kanała WarGonzo Siamion Piehaŭ.
Ahoń sa strałkovaj zbroi byŭ adkryty pa mašynie «UAZ-Patryjot», u jakoj jechali supracoŭniki pahransłužby FSB. Incydent adbyŭsia 9 listapada kala 16 hadzin u vioscy Vulica kala miažy z Ukrainaj.
U noč na 10 listapada ŭ telehram-kanale «Ruskaha dobraachvotnickaha korpusa» źjaviłasia paviedamleńnie ab praniknieńni dyviersantaŭ u Branskuju vobłaść.
«Pakul u Vilni išoŭ dabračynny aŭkcyjon, dyviersijna-raźviedvalnaja hrupa RDK išła da svajoj mety i paśpiachova praviała zasadu na transpart praciŭnika ŭ Branskaj vobłaści», — paviedamili ŭ RDK, paabiacaŭšy paźniej vykłaści videa z vyłazki.