Prezident Kazachstana źviarnuŭsia da Pucina i rasiejskaj delehacyi na kazachskaj movie. Zirnicie na tvary rasijan
Prezident Kazachstana Kasym-Žamart Takajeŭ, padvodziačy vyniki vizitu Pucina ŭ Astanu ŭ prysutnaści abiedźviuch delehacyj i presy, źviarnuŭsia da publiki na kazachskaj movie. Tvary Pucina, Łaŭrova i Piaskova ŭ hety momant treba bačyć.
10.11.2023 / 19:18
«Varta zirnuć tut na videa, kab zrazumieć, nakolki źnianacku zaśpieła hetaja «kazachskaja preludyja» Pucina i členaŭ jaho delehacyi, jakija kinulisia šukać na stale i za svajoj śpinaj vidavočna nievypadkova raskładzienyja tam navušniki… Takajeŭ vymusiŭ ich słuchać spačatku svaju pramovu ŭ pierakładzie.
Heta byŭ žest, jaki ciažka pieraacanić. Kazachstanski prezident, jaki inicyjavaŭ stvareńnie ŭ SND arhanizacyi pa vyvučeńni rasiejskaj movy, što z zachapleńniem było sustreta ŭ Maskvie, tut ža daŭ zrazumieć, što Kazachstan maje namier pravodzić samastojnuju moŭnuju palityku, zhodna ź jakoj rasiejskaj movie — pašana i pavaha, ale hałoŭnym zastajecca raźvićcio nacyjanalnaj movy kazachaŭ», — adkamientavaŭ žest Takajeva śpiecyjalist pa centralnaazijackim rehijonie Arkadź Dubnoŭ.