U Azaronka i Łazutkina spytali, ci stanie Biełaruś častkaj Rasii. Adkaz i łohika niečakanyja
«Ci moža Biełaruś kaliści stać častkaj Rasii?» — zadali pytańnie prapahandystu Ryhoru Azaronku i kamunistu Andreju Łazutkinu padčas učorašniaha strymu na kanale Sałaŭjova.
11.11.2023 / 16:52
Skryn strymu
«Nie, Biełaruś nie stanie častkaj Rasii», — adkazaŭ Azaronak. A paśla patłumačyŭ.
Jaho aburyła, što byłomu rasijskamu palicejskamu, jaki źliŭ danyja Darji Duhinaj (dački adyjoznaha fiłosafa Duhina, jakuju padarvali letaś u aŭto) dali 4 hady kałonii.
«U nas pa spravie ab Mačuliščach, dzie nichto nie zahinuŭ, nahadaju, ale heta było kvalifikavana jak terarystyčny akt, usie 30 čałaviek — i pofihu, što ty tam rabiŭ (na mašynie padvioz terarysta, hrošy jamu raźmianiaŭ, jašče čahośćci) — usie iduć pa rasstrelnym artykule, u niezaležnaści ad stupieni ŭdziełu», — vykazaŭsia Azaronak.
A kab nie pryjšli takija, jak Zialenski, budzie Usiebiełaruski narodny schod i prałukašenkaŭskija partyi, dadaŭ prapahandyst.
«Usia biełaruskaja palityka — heta budzie partyja kursu Łukašenki».
Andrej Łazutkin taksama skazaŭ, što abjadnańnie krain niemahčyma. Ale pryčynaj nazvaŭ pytańnie ŭłasnaści. Łazutkina chvalavała: kali Biełaruś, dzie 50% dziaržułasnaści, stanovicca častkaj inšaj dziaržavy, to čyja ŭłasnaść heta budzie? Kali b dola była adnolkavaja ŭ nas i ŭ Rasii, abjadnalisia b u momant, ličyć jon.
Čytajcie taksama:
Biahun raskrytykavaŭ Azaronka: Ašaleły papulizm, pamnožany na stereatypnuju prapahandu