Hiermanija vyrašyła padvoić vajennuju dapamohu Ukrainie
Pieršapačatkova Minfin Hiermanii zakłaŭ u biudžet na 2024 hod 4 młrd jeŭra na vajskovuju dapamohu Ukrainie. Adnak usie jany ŭžo zareziervavanyja pad abiacanyja prajekty. Na novyja pakiety dapamohi ŭ Minabarony FRH zastałosia tolki 120 młn jeŭra. Tamu vajskoŭcy prasili vydzielić im dadatkova 5 młrd jeŭra, piša vydańnie BILD.
11.11.2023 / 18:12
Fota: AP / Photo Libkos
Pavodle źviestak krynic vydańnia ŭ Minabarony FRH, na hetym tydni ŭrad Niamieččyny pastanaviŭ, što vajskovy biudžet pavialičać na 4 młrd jeŭra. Akramia taho, u Minabarony jość jašče 2 młrd jeŭra, jakija možna vydatkavać u jakaści tak zvanych srodkaŭ na vykanańnie doŭhaterminovych abaronnych kantraktaŭ.
Na nastupnym tydni biudžetny kamitet Bundestaha aficyjna prymie rašeńnie ab źmienie dziaržbiudžetu. Dla Kijeva heta aznačaje bolš zbroi i bojeprypasaŭ u abarončaj vajnie suprać Rasii.