«Nasielnictva možna pavialičyć prosta jak rucham čaroŭnaj pałački». Patryjarch Kirył padzialiŭsia šlacham rašeńnia demahrafičnaj prablemy
Patryjarch Kirył zajaviŭ, što zabarona abortaŭ dapamoža pavialičyć nasielnictva krainy «jak rucham čaroŭnaj pałački». Z takimi słovami kiraŭnik RPC vystupiŭ na plenarnym pasiadžeńni ahulnacarkoŭnaha źjezda pa sacyjalnym słužeńni.
12.11.2023 / 18:02
Patryjarch Kirył. Fota: AP
«Sapraŭdy, my majem patrebu ŭ bolšaj kolkaści ludziej, heta fakt vidavočny, jaho ŭsie pryznajuć: i palityki, i sacyjołahi. Ale kab heta było tak, chtości tam pavinien pracavać realna, kab pavialičvałasia nasielnictva.
A nasielnictva možna pavialičyć prosta jak rucham čaroŭnaj pałački. Kali hetuju prablemu vyrašym, kali navučymsia adhavorvać žančyn ad ździajśnieńnia abortu, adrazu statystyka pojdzie ŭvierch», — upeŭnieny Kirył.
Tym samym jon padtrymaŭ inicyjatyvu šeraha rasijskich rehijonaŭ zabaranić «schileńnie žančyn da ździajśnieńnia abortaŭ» i zaklikaŭ raspaŭsiudzić pryniatyja rehijonami zakony na fiederalny ŭzrovień. Dahetul padobnyja zakony pryniali ŭ Mardovii i Ćviarskoj vobłaści.
Pavodle Kiryła, časam z roznych pryčyn, u tym liku i kamiercyjnych, lekary schilajuć žančynu zrabić abort, adnak heta, jak adznačyŭ patryjarch, źjaŭlajecca złačynstvam.
Čytajcie taksama:
Patryjarch Kirył ličyć, što Rasija zastałasia svabodnaj dziakujučy jadziernaj zbroi
Patryjarch Kirył zaklikaŭ da mabilizacyi pierad «siłami zła»
Patryjarch Kirył pavinšavaŭ biełarusaŭ. U vinšavańni niama słova pra niezaležnaść Biełarusi