«Biełaruśkalij» choča adsudzić u Litvy miljard dalaraŭ za zabaronu pieravozki kalijnych uhnajeńniaŭ
Jak paviedamlaje telekanał tv3, «Biełaruśkalij» pačaŭ inviestycyjny arbitražny praces suprać Litvy i patrabuje kampiensacyi strat na sumu kala 1 młrd jeŭra biez uliku pracentaŭ i sudovych vydatkaŭ, źviarnuŭ uvahu prajekt «Matolka Pamažy».
13.11.2023 / 21:49
U Mintransie Litvy žurnalistam paćvierdzili, što praces pačaŭsia, ale ad dalejšych kamientaroŭ ustrymalisia.
«Tak, paćviardžajem. Kab nie naškodzić chadzie pracesu i pazicyi Litoŭskaj Respubliki, my nie možam na hetym etapie davać jakija-niebudź dalejšyja kamientary», — paviedamili ŭ viedamstvie.
«Biełaruśkalij» ličyć, što Litva, pryznaŭšy niesapraŭdnaj damovu na pieravozku hruzaŭ pamiž Lietuvos geležinkėliai («Litoŭskija čyhunki» i «Biełaruśkalijem», što paciahnuła zabaronu na pieravozku hruzaŭ praź Litvu i ŭ Kłajpiedski port, tym samym parušyła dahavor ad 1999 hoda ab abaronie inviestycyj i naniesła kampanii škodu.
Litoŭski ŭrad pryniaŭ rašeńnie razarvać kantrakt pa pieravozcy kalijnych uhnajeńniaŭ z «Biełaruśkalijem» u pačatku 2022 hoda. Rašeńnie ŭstupiła ŭ siłu z 1 lutaha 2022-ha.
Čytajcie taksama:
Alejnik: Turcyja hatova sadziejničać źniaćciu sankcyj suprać biełaruskich kalijnych uhnajeńniaŭ
Suśvietnyja ceny na kalijnyja ŭhnajeńni viarnulisia na pieradvajenny ŭzrovień
Biełaruś i Iran ukłali damovu na pastaŭki kalijnych uhnajeńniaŭ