Šenhienskija vizy buduć afarmlacca anłajn i biez nalepak u pašparcie
Rada Jeŭrasajuza ŭchvaliła novyja praviły afarmleńnia šenhienskich viz. Pavodle ich, padavać dakumienty možna budzie anłajn, zamiest nalepak u pašparcie źjaviacca štrych-kody, a nieabchodnaść asabistaha vizitu ŭ konsulstva ŭ mnohich vypadkach adpadzie, paviedamiła pres-słužba Rady. Praŭda, adbudziecca heta nie ŭvadnačas.
13.11.2023 / 23:33
13 listapada Rada ES pryniała dźvie pastanovy ab novych vizavych praviłach: budzie stvorana śpiecyjalnaja płatforma dla padačy zajavak na šenhienskuju vizu. Tam možna budzie ŭvieści ŭsie nieabchodnyja źviestki, zahruzić elektronnyja kopii pašpartoŭ i inšych dakumientaŭ, a taksama apłacić vizavy zbor.
U bolšaści vypadkaŭ nie treba budzie asabista prychodzić u konsulstva. Asabistaja jaŭka spatrebicca tolki ŭ vypadku, kali šenhien afarmlajecca ŭpieršyniu, bijamietryčnyja źviestki niesapraŭdnyja abo čałaviek atrymaŭ novy pašpart (prajazny dakumient).
Vizavuju nalepku zamienić štrych-kodam z kryptahrafičnym podpisam.
U najbližejšy čas abiedźvie pastanovy buduć apublikavanyja ŭ aficyjnym časopisie Jeŭrasajuza i praz 20 dzion ustupiać u siłu.
Datu, kali novyja praviły pačnuć dziejničać, vyznačać paśla zaviaršeńnia pracy nad vizavaj płatformaj i ličbavaj vizaj. Raniej płanavałasia, što novaja pracedura zapracuje z 2026 hoda.
Čytajcie taksama:
Źmianiajucca praviły atrymańnia niekatorych polskich viz
Biełarusku z polskim prajaznym dakumientam zamiežnika nie puścili ŭ Hruziju
Niekatorych biełarusaŭ aryštoŭvajuć prosta pry padačy na polskija vizy — Wyborcza
Biełarusy raskazvajuć, jak polskija konsulstvy admaŭlajuć im u vizach