Palitviazień-žurnalist Jaŭhien Mierkis šyje ŭ kałonii abutak
Pra naviny nakont homielskaha eks-žurnalista i krajaznaŭcu Jaŭhiena Mierkisa, asudžanaha na čatyry hady, raskazaŭ u svaim fejsbuku pravaaabaronca Leanid Sudalenka.
14.11.2023 / 13:21
«U škłoŭskaj kałonii №17 Jaŭhien pracuje ŭ cechu pa pašyvu śpiecabutku (dla asudžanych i milicyi). Jon zbolšaha ŭ paradku, žyćcio dla tych miesc standartnaje, na zdaroŭje nie skardzicca. Piepapisvajecca z baćkam (maci pamierła, sam Jaŭhien udaviec), abmierkoŭvajuć charčovuju pieradaču (dla uzmocnienaha režymu raz u čatyry miesiacy da 50 kh), zvankoŭ pakul nie dazvolili. U volny čas čytaje, hladzić televizar. Niadaŭna ŭ kałoniju pryjazžaŭ z vystupam lektar-historyk (jaki nie ŭdakładniaje)», — napisaŭ Leanid Sudalenka.
Leanid Sudalenka z partretami homielskich žurnalistaŭ Łarysy Ščyrakovaj i Jaŭhiena Mierkisa. Fota: fejsbuk Leanida Sudalenki
Jon nahadaŭ, što Jaŭhien — homielski žurnalist, jaki aśviatlaŭ akcyi pratestu paśla prezidenckich vybaraŭ 2020 hoda, vioŭ strymy ź mitynhaŭ tak zvanych «darmajedaŭ» 2017 hoda. Jaho nieadnarazova zatrymlivała milicyja, praz sudy štrafavała i adpraŭlała na sutki. Ahułam za žurnalisckuju dziejnaść Jaŭhienu prysudzili 50 sutak aryštu i bolš za 200 bazavych vieličyń štrafaŭ.
13 vieraśnia 2022 hoda jon byŭ zatrymany pa artykułach 361-1 i 361-4 (stvareńnie ekstremisckaha farmavańnia abo ŭdzieł u im i sadziejničańnie ekstremisckaj dziejnaści.) Jaho asudzili na čatyry hady kałonii ŭzmocnienaha režymu.
8 listapada za kratami Jaŭhien śviatkavaŭ svoj druhi dzień narodzinaŭ.
Padtrymajcie žurnalista listami dy paštoŭkami. Kudy: PK № 17, 213004, h. Škłoŭ, vuł. 1-ja Zavodskaja, 8 Kamu: Mierkis Jaŭhien Alaksandravič