У Хаціка нарэшце з'явіўся дом, але часовы
Японскі мастак Tatsu Nishino зрабіў часовую інсталяцыю ў выглядзе жылога пакоя вакол помніка знакамітаму сабаку.
14.11.2023 / 16:15
Кампазіцыя ўсталяваная на чыгуначнай станцыі Сібуя, дзе верны акіта-іну шмат гадоў чакаў свайго гаспадара.
Ідэя зрабіць інсталяцыю ў мастака з'явілася яшчэ 10 гадоў таму, а на яе рэалізацыю ён патраціў паўтара года. Праект прымеркаваны да 100-ай гадавіны з дня нараджэння Хаціка.
Мастак таксама заявіў, што не плануе спыняцца на гэтым праекце. У будучыні ён хоча стварыць інсталяцыю, якая будзе называцца «Гатэль Хаціка».