BDUIR padpisaŭ damovu ab supracoŭnictvie z byłym kiraŭnikom HUBAZiKa, jaki stralaŭ u padletka
Minadukacyi paviedamiła, što rektar BDUIR Vadzim Bohuš i načalnik Departamienta zabieśpiačeńnia apieratyŭna-vyšukovaj dziejnaści (DZAVD) MUS Andrej Paršyn padpisali pahadnieńnie ab supracoŭnictvie. Paviedamlajecca, što jany damovilisia ab sumiesnaj pracy ŭ navukova-techničnaj śfiery i padrychtoŭcy vysokakvalifikavanych kadraŭ.
14.11.2023 / 17:36
Andrej Paršyn, jaki raniej kiravaŭ HUBAZiKam, u minułym hodzie staŭ fihurantam skandału, kali ŭ prestyžnym minskim mikrarajonie «Kaskad» kala svajho doma sprabavaŭ razahnać hrupu dziaciej i padletkaŭ (małodšamu ŭ kampanii było 11 hod), ale atrymaŭ adpor ad 16-hadovaha chłopca. Spačatku, jak śćviardžałasia, Paršyn udaryŭ padletka, a paśla streliŭ u jaho ź pistaleta, paraniŭšy ŭ nahu. Nijakaj adkaznaści za heta siłavik nie panios.
Ekśpiert hrupy iSANS Transatlantic, jaki zajmajecca manitorynham sistemy adukacyi, ličyć, što supracoŭnictva BDUIR paciahnie za saboj uzmacnieńnie ŭdziełu siłavikoŭ u sistemie adukacyi, i jašče bolšuju jaje militaryzacyju, paviedamlaje «Matolka Pamažy».
«BDUIR całkam mohuć abaviazać rychtavać kadry dla adnaho z samych zakrytych viedamstvaŭ u sistemie MUS. Źviartaje na siabie ŭvahu i toje, što nijakich padrabiaznaściaŭ dakumienta, prynamsi pakul, nie pryvodzicca navat na sajcie BDUIR», — skazaŭ ekśpiert.
Taksama jon nie vyklučaje, što dakumient moža praduhledžvać i abaviazacielstvy BDUIR raspracoŭvać roznaje prahramnaje zabieśpiačeńnie dla dziejnaści DZAVD.
U 2021-m paviedamlałasia, što prarektar pa biaśpiecy ŭniviersiteta Ihar Azaraŭ — vychadziec z KDB. Ale ciapier jaho imia niama na sajcie ŭ raździele pra administracyju.
Čytajcie taksama:
Chłopca, u jakoha stralaŭ Paršyn, adpuścili sa špitala dadomu
«Prafiesijnaja defarmacyja». Kalehi Paršyna detalova razabrali stralbu pa padletku
Praŭładny kanał paćvierdziŭ: stralaŭ u «Kaskadzie» sapraŭdy Andrej Paršyn