Sud u Francyi vydaŭ ordar na aryšt prezidenta Siryi
Taksama ordary vydali jašče na aryšt troch čałaviek.
15.11.2023 / 15:11
Bašar Asad padčas intervju ŭ Damasku 9 žniŭnia 2023 hoda. Fota: Syrian Presidency Telegram page via AP
Sud u Paryžy vydaŭ ordar na aryšt prezidenta Siryi Bašara Asada pa abvinavačvańni va ŭžyvańni chimičnaj zbroi ŭ 2013 hodzie, piša RBK.
Usiaho pa hetaj spravie vypisana čatyry ordary. Akramia Asada, abvinavačvańni vyłučanyja suprać jaho brata Machiera Asada, jaki kamanduje Respublikanskaj hvardyjaj — elitnym vajskovym padraździaleńniem. Ordary vydadzieny na aryšt jašče dvuch hienierałaŭ — Hasana Abasa, dyrektara adździaleńnia 450 centra navukovych daśledavańniaŭ (CERS), i Basama al-Asada, kiraŭnika słužby biaśpieki prezidenta.
Im inkryminujuć złačynstvy suprać čałaviečnaści i saŭdzieł u vajennych złačynstvach. Damask infarmacyju ab ordary na aryšt Asada pakul nie prakamientavaŭ.
Zachodnija krainy, u tym liku ZŠA, nieadnarazova abvinavačvali režym Asada va ŭžyvańni chimičnaj zbroi padčas Hramadzianskaj vajny, jakaja idzie ŭ Siryi z 2011 hoda. Damask admaŭlaŭ dačynieńnie.