Finlandyja zakryvaje pierachody na miažy z Rasijaj
Finlandyja zakryvaje čatyry punkty propusku ŭ noč ź piatnicy na subotu. Rašeńnie pryniata paśla prahnazujemaha finskimi słužbami pavieličeńnia mihrantaŭ na miažy.
16.11.2023 / 14:54
Finlandy zakryje pamiežnyja pierachody «Vaalimaa», «Nujamaa», «Imatra» i «Niirała» (z rasijskaha boku — punkty «Tarfianaŭka», «Bruśničnaje i «Śviatahorsk» i «Viartsila»), paviedamlaje Reuters.
Na pres-kanfierencyi premjer-ministr Finlandyi Pietery Orpa zajaviŭ, što «ŭrad chacieŭ adreahavać rašuča».
Punkty Sała i Vartyŭs buduć adkryty dla pradastaŭleńnia mižnarodnaj abarony.
Ministr unutranych spraŭ Mary Rantanien raniej paviedamiła, što viedamstva prahnazuje pavieličeńnie kolkaści nielehalnych mihrantaŭ ź Iraka, Siryi, Jemiena i Turcyi, jakija pry pasiarednictvie rasijskich pamiežnikaŭ pranikajuć u pamiežnuju zonu i prosiać prytułku ŭ ES.
Daśledčyk Instytuta zamiežnaj palityki Anry Vanchanien u intervju Yle zajaviŭ, što Rasija naŭmysna nakiroŭvaje mihrantaŭ na miažu, kab dastavić niazručnaści Finlandyi.
Abmiežavańni, papiarednie, praciahnucca da 18 lutaha 2024 hoda.