U Oršy za «niapravilnyja» padpiski aryštavali pryjomščyka ciahnikoŭ
Sudździa suda Aršanskaha rajona Julija Viaršynina 9 listapada za padpisku ŭ sacyjalnaj sietcy na «ekstremisckija» infarmacyjnyja resursy pastanaviła aryštavać na 15 sutak pryjomščyka ciahnikoŭ stancyi Orša Ihara Turanskaha, paviedamlaje «Viciebskaja viasna».
16.11.2023 / 22:36
Padčas razboru ŭ sudzie mužčyna pryznaŭ, što praciahły čas u sacyjalnaj sietcy Instagram byŭ padpisany na roznyja ŚMI i supołki, takija jak «Radyjo Svaboda», «Lusterka», «Biełsat», «Jeŭraradyjo» i supołku pra tatuiroŭki Bodi of belarus. Ihar rastłumačyŭ sudu, što nie viedaŭ ab tym, što hetyja infarmacyjnyja pradukty raniej uładami byli ŭklučanyja ŭ śpis ekstremisckich materyjałaŭ.
Sudździa Viaršynina na padstavie č. 2 art. 19.11 KaAP pastanaviła maksimalna pakarać Turanskaha na 15 sutak i kanfiskavała ŭ dachod dziaržavy telefonny aparat, jaki jamu naležyć.
Čytajcie taksama:
Palitźniavolenuju Viktoryju Kulšu źmiaścili ŭ PKT
Vasil Palakoŭ nie vyjšaŭ na volu paśla 15 sutak aryštu
Za ŭdzieł u pratestach zatrymali fitnes-treniera. Dla hetaha spatrebilisia siem siłavikoŭ