Sabaka Mai Sandu ŭkusiŭ prezidenta Aŭstryi
16.11.2023 / 22:43
Siońnia prezidentka Małdovy Maja Sandu sustrakałasia z kiraŭnikom Aŭstryi Alaksandram Van der Belenam u Kišyniovie. Paśla sustrečy palityki špacyravali ŭ dvary budynka Administracyi prezidenta razam z sabakam Sandu. Na videa trapiŭ momant, jak hadavaniec niečakana ŭkusiŭ aŭstryjskaha palityka, kali toj paciahnuŭsia jaho pahładzić.
Paźniej na ruce aŭstryjskaha lidara zaŭvažyli płastyr.
Sabaku pa mianušcy Kodruc Maja Sandu zabrała da siabie z prytułku, kudy toj trapiŭ paśla taho, jak jaho źbiła aŭto. U vyniku avaryi sabaka zastaŭsia biez łapy.
Čytajcie taksama:
Śviatłana Cichanoŭskaja sustrełasia ŭ Kišyniovie z prezidentam Małdovy
U Małdovie zabłakujuć 22 rasijskija internet-miedyja. Uklučna z NTV, Pieršym kanałam i RT