Zialenski zajaviŭ, što z-za vajny ŭ Izraili skaracilisia pastaŭki artyleryjskich snaradaŭ va Ukrainu
Toje, što pastaŭlajecca, niedastatkova, kaža prezident Ukrainy Uładzimir Zialenski.
17.11.2023 / 10:32
Fota: Olivier Matthys, Pool Photo via AP
Izrail, jaki atrymlivaje vajennuju padtrymku ZŠA, nanosić udary pa siektary Haza, paśla taho jak bajeviki CHAMAS napali na poŭdzień Izraila ŭ minułym miesiacy.
Jak paviedamlaje AFP, Zialenski skazaŭ, što pastaŭki 155-milimietrovych snaradaŭ, jakija šyroka vykarystoŭvajucca na ŭschodnim i paŭdniovym frantach va Ukrainie, skaracilisia.
«Heta nie toje kab ZŠA skazali: my ničoha nie dajem Ukrainie. Nie! Prosta kožny zmahajecca za [bojeprypasy] sam», — skazaŭ jon.
«Takoje žyćcio. Ja nie kažu, što heta pazityŭna, ale takoje žyćcio, i my pavinny abaraniać toje, što naležyć nam».
Paŭdniovaja Kareja zajaŭlała, što sajuźnik Rasii Pchieńjan adpraviŭ miljon artyleryjskich snaradaŭ dla padtrymki vajny Maskvy va Ukrainie ŭ abmien na kansultacyi pa spadarožnikavych technałohijach.
Tym časam Hiermanija zajaviła na hetym tydni, što ES nie dasiahnie hadavoj mety pa adpraŭcy miljona artyleryjskich snaradaŭ va Ukrainu.
«Ciapier składy pustyja abo jość jurydyčny minimum, jaki kankretnaja dziaržava nie moža nam dać», — skazaŭ Zialenski žurnalistam u Kijevie i dadaŭ, što hetaha niedastatkova.