Chłopcu z Hrodna ŭ 2020-m było 15 hadoŭ. Ciapier jamu pahražaje da 15 hadoŭ kałonii
U sudzie Kastryčnickaha rajona Hrodna 17 listapada raspačaŭsia sud nad 18-hadovym Arciomam Jankoŭskim.
17.11.2023 / 12:38
Arciom Jankoŭski. Fota: sacsietki
Jaho abvinavačvajuć pavodle č. 1 art. 293 KK (arhanizacyja masavych biesparadkaŭ). Paśla zatrymańnia z Arciomam publikavali videa, dzie jon kazaŭ, što ŭ 2020-m hodzie prapanoŭvaŭ zakidvać supracoŭnikaŭ milicyi «kaktejlami Mołatava» i adpraŭlaŭ instrukcyju pa ich vyrabie siabram. Spravu razhladaje sudździa Vital Łabocki, piša «Viasna».
Arciomu padčas masavych pratestaŭ było tolki 15 hadoŭ. Chłopca zatrymali 13 žniŭnia hetaha hoda pavodle art. 19.11 KaAP za «raspaŭsiud ekstremisckaj dziejnaści» — praź niekalki miesiacaŭ, jak jamu spoŭniłasia 18 hadoŭ. Paśla hetaha zaviali kryminalnuju spravu. Ciapier Arciomu pahražaje ad 5 da 15 hadoŭ kałonii.
KDB unios Jankoŭskaha ŭ «Śpis terarystaŭ» 2 listapada — jašče da pačatku suda.
Čytajcie taksama:
Palitźniavolenuju Viktoryju Kulšu źmiaścili ŭ PKT
Baranavicki pravaabaronca Alaksandr Vajciešyk abviaściŭ za kratami haładoŭku
Homielskaha hramadskaha aktyvista Vasila Palakova asudzili paŭtorna. Jon abviaściŭ haładoŭku