U Babrujsku razabrali samy stary most cieraź Biarezinu
Płanujecca, što paśla demantažu staroha mosta na jaho miescy budzie ŭźviedzieny jašče adzin novy most, pa jakim budzie puščany sustrečny ruch.
17.11.2023 / 14:18
Fota: Bobr.by
Ruch pa novym moście praź Biarezinu z Babrujska ŭ Citaŭku adkryli 13 kastryčnika biez pompy i farmalnaściaŭ, paviedamlaje sajt bobr.by.
Fota: Bobr.by
Fota: Bobr.by
Paśla zapusku ŭ ekspłuatacyju novaha puciepravoda mostabudaŭniki pačali aktyŭna raźbirać stary most. U listapadzie pryjšła čarha demantažu pralotnych mietaličnych fierm mosta. Ich razrazajuć na asobnyja častki, jakija vydalajuć z dapamohaj kranaŭ.
Fota: Bobr.by
Płanujecca, što paśla demantažu staroha mosta na jaho miescy budzie ŭźviedzieny jašče adzin novy most, pa jakim budzie puščany sustrečny ruch.
Fota: Bobr.by
Citaŭski most (złučaje Babrujsk i viosku Citaŭka) byŭ sprajektavany ŭ 1934 hodzie. Jon stvaraŭsia ŭ mietale sa składanymi formami na aporach, ablicavanych naturalnym hranitam.
Padčas vajny byŭ razburany, a paśla vyzvaleńnia Biełarusi adnoŭleny. Jaho daŭžynia — 248 m.
Citaŭski most doŭhi čas byŭ adzinym aŭtamabilnym u miežach horada. Jon byŭ pradaŭžeńniem vulicy Rahačoŭskaj. Tolki ŭ 2001 hodzie ŭ Babrujsku pabudavali druhi aŭtamabilny most, jaki staŭ pradaŭžeńniem Hieorhijeŭskaha praśpiekta.