Zialenski: Rasija choča pasiejać chaos va Ukrainie i zrynuć prezidenta
Ukrainski lidar apisaŭ płan dezynfarmacyi, jaki dla ŭnutranaha spažyvańnia nazyvajuć «Majdan 3».
17.11.2023 / 15:15
Uładzimir Zialenski. Fota: Olivier Matthys, Pool Photo via AP
Prezident Ukrainy zajaviŭ, što Maskva imkniecca pasiejać raskoł va ŭkrainskim hramadstvie, stvaryć «chaos» unutry krainy i, urešcie, likvidavać prezidenta. Pra heta prezident Ukrainy zajaviŭ u razmovie z hrupaj žurnalistaŭ u svaim ofisie ŭ Kijevie ŭ čaćvier, piša «Ukrainskaja praŭda».
«Naša raźviedka maje infarmacyju, jakaja taksama pastupiła ad našych partnioraŭ», — skazaŭ jon.
Ukrainski lidar apisaŭ płan dezynfarmacyi, jaki dla ŭnutranaha spažyvańnia nazyvajuć «Majdan 3».
Heta adsyłka da akcyj pratestu ŭ centry Kijeva 2004 i 2013-2014 hadoŭ. Paśla Jeŭramajdanu-2014 były prezident Viktar Janukovič źbieh u Rasiju.
«Majdan dla ich (rasijanaŭ) — heta pieravarot, tamu apieracyja zrazumiełaja».