У Верхнядзвінскім раёне судзяць чыноўніка, які перад тым актыўна падтрымліваў рэжым
Аўтары тэлеграм-канала «Віцебск, я гуляю!» заўважылі, што ў Верхнядзвінскім раённым судзе маюць судзіць Уладзіміра Генадзевіча Кузняцова, які раней займаў у раёне шэраг кіраўнічых пасад.
19.11.2023 / 16:51
Уладзімір Кузняцоў з дзецьмі падчас датэрміновага галасавання на «рэферэндуме» ў лютым 2022 года
Так, у свой час Уладзімір Кузняцоў кіраваў Верхнядзвінскім Дзяржаўным раённым унітарным вытворчым прадпрыемствам ЖКГ і Камунальным вытворчым сельскагаспадарчым прадпрыемствам «Асвейскі» (ААТ «Верхнядзвінскі масласырзавод»).
Будучы кіраўніком, Кузняцоў актыўна выступаў у падтрымку рэжыму Лукашэнкі: быў задзейнічаны ў інфармацыйна-прапагандысцкіх групах райвыканкама, а таксама пазіраваў для раёнкі як удзельнік датэрміновага галасавання на «канстытуцыйным рэферэндуме» ў 2022 годзе.
Цяпер жа мужчына пастаўлены перад мясцовым судом па абвінавачанні паводле арт.424 ч. 2 КК РБ (Злоўжыванне ўладай або службовымі паўнамоцтвамі».
Чытайце таксама:
Найбольш паспяховы ў катэгорыі «алень». Якія паляўнічыя трафеі мае былы міністр Шуневіч і яго жонка?
26 чалавек затрыманыя. Лукашэнка распавёў пра «малочную справу»