Džokavič pieršym u historyi pačaŭ 400-y tydzień na pieršym radku rejtynha. Prosta najlepšy
U niadzielu sierbski tenisist staŭ pieramožcam vynikovaha turniru ATP (Asacyjacyi tenisistaŭ-prafiesijanałaŭ) u Turynie, pieramohšy ŭ finale italjanca Janika Siniera — 6:3, 6:3.
20.11.2023 / 11:51
Novak Džokavič. Fota: Antonio Calanni / AP
Sierb Novak Džokavič pačaŭ rekordny 400-y tydzień na pieršym radku rejtynhu Asacyjacyi tenisistaŭ-prafiesijanałaŭ (ATP).
Jon staŭ pieršym čałaviekam, jaki pieraadoleŭ hetuju miažu. U žanočaj častcy tenisa daŭžej za ŭsich pieršaj rakietkaj śvietu była niemka Štefi Hraf — 377 tydniaŭ. U mužčynskim da Džokaviča byŭ šviejcarac Rodžer Fiederer (310 tydniaŭ).
Taksama Novak vośmy raz zaviaršyŭ siezon u jakaści pieršaha numara suśvietnaha rejtynhu.
Biełaruska Aryna Sabalenka pratrymałasia na pieršym radku rejtynha vosiem tydniaŭ, na jaki pa vynikach žanočaha vynikovaha turniru viarnułasia Iha Śviontak.
Viktoryja Azaranka ŭ 2012-2013 hadach sumarna pratrymałasia pieršaj rakietkaj śvietu 52 tydni.
Čytajcie taksama:
Džokavič zastaŭsia pieršaj rakietkaj śvietu pa vynikach hoda
Aryna Sabalenka zapatrabavała pavialičyć joj zarobak
Sabalenka bolš nie pieršaja. Śviontak viartaje sabie zvańnie pieršaj rakietki śvietu