«My bačyli, jak palicyja źbivaje ludziej». Miesi advioŭ kamandu Arhienciny ŭ raździavałku pierad matčam z Brazilijaj
Forvard zbornaj Arhienciny prakamientavaŭ biesparadki pierad matčam adboračnaha turniru da čempijanatu śvietu pa futbole pamiž Brazilijaj i Arhiencinaj u Rya-de-Žaniejra, a taksama rašeńnie kamandy syści nazad u raździavałku, piša Championat.com.
22.11.2023 / 08:23
Fota: Marcello Dias / Eurasia Sport Images / Getty Image
«My bačyli, jak palicyja źbivała ludziej, na trybunach byli našy siemji. Taki ž incydent zdaryŭsia na finale Kubka Libiertadores. Futbalisty bolš pieražyvali za toje, što adbyvałasia na trybunach, a nie za toje, kab praciahnuć hulniu. My ŭsio ž taki zhulali, kab zrabić situacyju bolš spakojnaj», — zajaviŭ Miesi paśla hulni.
Pačatak matču pamiž Brazilijaj i Arhiencinaj byŭ adkładzieny z-za bojki zaŭziataraŭ na stadyjonie. Nacyjanalnaja kamanda Arhienciny pakinuła pole i syšła ŭ padtrybunnaje pamiaškańnie. Startavy śvistok byŭ zapłanavany na 3:30 pa minskim časie, u vyniku matč pačaŭsia kala 4 ranicy.
Miesi i Radryha. Kadr ź videatranślacyi
Taksama Miesi pasvaryŭsia z hulcom Brazilii Radryha.
Siońnia, 22 listapada, zbornaja Arhienciny ŭ haściach abyhrała zbornuju Brazilii ŭ matčy kvalifikacyi čempijanatu śvietu — 2026. Sustreča na stadyjonie «Marakana» ŭ Rya zaviaršyłasia ź likam 1:0.
Adziny miač u hulni na 63-j chvilinie zabiŭ abaronca arhiencincaŭ Nikałas Atamiendzi. Pačatak matča pamiž zbornymi byŭ adkładzieny z-za bojki zaŭziataraŭ pamiž saboj i z palicyjaj na stadyjonie.
U kanflikt umiašalisia arhiencinskija futbalisty, ale paśla Miesi advioŭ kamandu z pola ŭ padtrybunnaje pamiaškańnie.
Paśla šaści matčaŭ Arhiencina zajmaje pieršaje miesca ŭ turnirnaj tablicy z 15 bałami. Brazilija raźmiaściłasia na šostym miescy (7 bałami).
Čytajcie taksama:
Biełaruś druhi raz pieramahła Kosava i finišavała čaćviortaj
Kamanda Rasii fiejeryčna razmałoła zbornuju, jakaja bucy kupiła pierad hulnioj va ŭniviermahu