Złodziej pierasunuŭ kubak i łyžki i tak vydaŭ siabie
Heta zdareńnie adbyłosia ŭ Tałačynskim rajonie. 70-hadovy mužčyna pryjechaŭ na lecišča i na dźviarach svajho doma ŭbačyŭ paškodžany zamok. Mužčyna adrazu paviedamiŭ pra heta ŭ milicyju.
22.11.2023 / 08:49
Fota: sudexpert.gov.by
Na miesca vyjechała śledča-apieratyŭnaja hrupa sa śpiecyjalistam Aršanskaha adździeła kamiteta sudovych ekśpiertyz, paviedamlaje sudexpert.gov.by.
Vyśvietliłasia, što nieviadomy prakraŭsia ŭ dom, źbiŭšy naviasny zamok. Ahledzieŭšysia ŭnutry, haspadar pieraličyŭ źnikłuju majomaść na 500 rubloŭ, a taksama źviarnuŭ uvahu na kubak i łyžki, jakija znachodzilisia nie na svaim zvyčajnym miescy.
Fota: sudexpert.gov.by
Na pavierchni kubka śpiecyjalist vyjaviŭ śled palca ruki, jaki nakiravaŭ va ŭpraŭleńnie Dziaržkamiteta sudovych ekśpiertyz pa Viciebskaj vobłaści.
U vyniku śled supaŭ z adbitkam palca ruki 48-hadovaha žychara Tałačynskaha rajona.
Supracoŭniki milicyi zatrymali mužčynu. U jaho była vyjaŭlenaja častka skradzienych rečaŭ. Tałačynskim RASK raspačata kryminalnaja sprava.
Čytajcie taksama:
Złodziej vynies z kvatery minčanki televizar, dziciačy maniež i plušavaha miadźviedzia
Rasijanin źniaŭ kvateru ŭ Mahilovie i skraŭ adtul pa zapčastkach pralnuju mašynu