Siaredni zarobak u Polščy ŭ kastryčniku skłaŭ 1 728,63 jeŭra
Hałoŭnaje statystyčnaje ŭpraŭleńnie apublikavała dadzienyja ab zarobkach i zaniataści ŭ Polščy ŭ kastryčniku.
22.11.2023 / 11:42
Fota: Kinga Krzeminska / Getty Images
Siaredni zarobak u siektary pradpryjemstvaŭ u kastryčniku skłaŭ 7544,98 złotych (jeŭra 1 728,63), heta značyć na 12,8 pracenta vyšej, čym u anałahičny pieryjad minułaha hoda — śviedčać źviestki Hałoŭnaha statystyčnaha ŭpraŭleńnia, piša Polskaje radyjo.
Najbolšy rost datyčycca haliny zdabyčy karysnych vykapniaŭ.
Ale heta zarobak «brudnymi», «čystymi» zarobak składzie prykładna 5281 złoty, abo 1210 jeŭra.
Dadzienyja Hałoŭnaha statystyčnaha ŭpraŭleńnia taksama pakazvajuć, što ŭ kastryčniku zaniataść u siektary pradpryjemstvaŭ u paraŭnańni z anałahičnym pieryjadam minułaha hoda źniziłasia na 0,1 pracenta. U minułym miesiacy ŭ im było amal 6,5 miljona štatnych pracoŭnych miescaŭ.
Dadzienyja datyčacca pradpryjemstvaŭ, dzie pracuje bolš za dzieviać čałaviek.
U Biełarusi ŭ vieraśni siaredni zarobak «brudnymi» skłaŭ 1939 rubloŭ i 80 kapiejek. Heta, kali ličyć pa siarednim kursie jeŭra za vierasień (3,4842) 556,6 jeŭra «brudnymi», i 478,8 jeŭra «čystymi». To-bok, u dva z pałovaj razy mienš, čym u Polščy.
Čytajcie taksama:
Z 1 studzienia minimalny zarobak u Łatvii składzie 700 jeŭra
Małady łahapied pakazała svoj zarobak. Nie ŭsie paspačuvali: Miłyja, viedali, kudy idziom
Upieršyniu za paŭtara hoda siaredni zarobak «brudnymi» ŭpaŭ nižej za 600 dalaraŭ