Затрымалі выкладчыцу Інстытута бізнесу БДУ
Канал сілавікоў 22 лістапада апублікаваў відэа з затрыманай выкладчыцай інстытута бізнесу БДУ Святланай Яскевіч.
22.11.2023 / 12:18
Святлана Яскевіч. Фота: sveta.yaskevich / Facebook
На відэа жанчына гаворыць, што размяшчала ў сацсетках пратэстную сімволіку, а ў дваровых чатах абмяркоўвала магчымасць удзелу ў несанкцыянаваных мерапрыемствах.
У якім статусе знаходзіцца выкладчыца і па якім артыкуле яе затрымалі, пакуль невядома.
На сайце Інстытута бізнесу БДУ пазначана, што Святлана Яскевіч — эксперт і практык з 15-гадовым вопытам у галіне інфармацыйных тэхналогій, электроннага навучання, педагагічнага дызайну, web-дызайну, кампʼютарнай графікі, UX-UI-праектавання, юзабіліці.
У 2004 годзе яна абараніла магістарскую дысертацыю на тэму «Сацыяльна-педагагічныя аспекты кампʼютарнай інтэрпрэтацыі ў сучаснай матэматыцы».