Экс-палітзняволеную з Паставаў арыштавалі на сем сутак за «распаўсюд экстрэмісцкіх матэрыялаў»
22.11.2023 / 14:36
17 лістапада ў судзе Пастаўскага раёна над былой палітзняволенай з Паставаў Ірынай Палянінай адбыўся суд паводле арт. 19.11 КаАП.
Яе арыштавалі на 7 сутак за рэпосты з «Белсата», «Хартыі-97», «Nexta» і «Рэальнай Беларусі», піша «Медыязона».
Ірыну 8 лістапада выклікалі па позве ў мясцовы РАУС, пасля чаго на волю яна так і не выйшла. 13 лістапада ў судзе Пастаўскага раёна суддзя Наталля Жукава разглядзела справу былой палітзняволенай аб падаўжэнні прэвентыўнага нагляду. Вынікам стала працягненне яго на два гады.
Ірына — жыхарка Паставаў, якую асудзілі да двух гадоў калоніі. Тэрмін Паляніна адбывала ў жаночай калоніі № 24 і ў мінулым лістападзе выйшла на волю, нагадвае «Вясна».
Чытайце таксама:
Экс-палітзняволенай працягнулі прэвентыўны нагляд на два гады