U Minsk prylacieŭ Siarhiej Šajhu
Ministr abarony Rasii prylacieŭ na samit Arhanizacyi damovy ab kalektyŭnaj biaśpiecy.
22.11.2023 / 16:03
Siarhiej Šajhu. Fota: Sergey Fadeichev, Sputnik, Kremlin Pool Photo via AP
Siońnia ŭ 15:35 na aeradromie «Mačuliščy» pryziamliŭsia bort, jaki naležyć Ministerstvu abarony RF i abstalavany śpiecyjalnym bartavym vuzłom suviazi SBUS-214, paviedamlaje Motolkohelp.
Pavodle infarmacyi Motolkohelp, na im u Minsk prybyŭ kiraŭnik Minabarony Siarhiej Šajhu dla ŭdziełu ŭ samicie ADKB.
Taksama ŭ Biełaruś užo prybyli pradstaŭniki Kazachstana, Tadžykistana i Kyrhyzstana, a Armienija, jak paviedamlałasia, admoviłasia ad udziełu.
Samit ADKB projdzie ŭ Minsku ŭ čaćvier. U im čakajecca ŭdzieł Uładzimira Pucina.