Pamior karespandent «Rasii-24». Jon atrymaŭ ranieńni padčas zdymak repartažu ŭ akupavanaj Zaparožskaj vobłaści
Napiaredadni ŭ Minabarony Rasii paviedamili, što «USU nanieśli ŭdar ź bieśpiłotnika pa hrupie rasiejskich žurnalistaŭ, jakija rychtavali materyjał ab abstrełach u [akupavanaj častcy] Zaparožskaj vobłaści».
23.11.2023 / 09:58
Karespandent «Rasii 24» Barys Maksudaŭ pamior ad atrymanaha ranieńnia ŭ akupavanaj častcy Zaparožskaj vobłaści Ukrainy, piša «Kommiersant».
Barys Maksudaŭ. Fota: staronka Barysa Maksudava ŭ vk.com
Raniej paviedamlałasia, što Barys Maksudaŭ atrymaŭ askiepkavyja ranieńni ŭ vyniku ŭdaru BPŁA pa hrupie rasijskich žurnalistaŭ u Zaparožskaj vobłaści. Jon byŭ dastaŭleny ŭ miedustanovu viedamstva, jamu akazana ŭsia nieabchodnaja mieddapamoha i jaho žyćciu ničoha nie pahražaje, kazali ŭ Ministerstvie.
«22 listapada 2023 hoda ŭzbrojenyja siły Ukrainy nanieśli ŭdar askołačnym bojeprypasam ź bieśpiłotnaha latalnaha aparata pa hrupie rasiejskich žurnalistaŭ, jakija rychtavali materyjał ab abstrełach VSU nasielenych punktaŭ Zaparožskaj vobłaści»,— havaryłasia ŭ paviedamleńni Minabarony.
TASS paviedamiŭ, što ŭ hrupie, pa jakoj byŭ naniesieny ŭdar, taksama znachodziŭsia fatohraf ahienctva Alaksiej Kanavałaŭ, jon nie paciarpieŭ.