Dzieci dziela žartu padpalili ŭ padjeździe anučy. U 11-hadovaj dziaŭčynki — 70% apiokaŭ cieła
23.11.2023 / 11:8
Zdareńnie adbyłosia ŭčora ŭ Białyničach.
Troje školnikaŭ 12, 13 i 14-ci hadoŭ hulali pa horadzie. Źmiorzšy, zajšli ŭ padjezd internata pahrecca, paviedamlaje telehram-kanał «Obratnaja storona».
U adnaho ź ich była zapalnička. Nie prydumaŭšy ničoha lepšaha, toj padpaliŭ anučy na adnoj ź dziciačych kalasak. Ledź zaniałosia połymia, dzieci źbiehli.
Litaralna za paru chvilin sintetyčnyja kalaski ŭspychnuli jak śviečki. Adzin z žycharoŭ ź pieršaha paviercha sprabavaŭ patušyć pažar i atrymaŭ mocnyja apioki ruk.
Ad ahniu vielmi paciarpieła 11-hadovaja dziaŭčynka. Z apiokami 70% cieła małaja dastaŭlena ŭ balnicu.
Dziaciej chutka vyličyli pa videakamierach.