Wildberries u «Vialikim kamieni» stvoryć samy bujny ŭ Biełarusi łahistyčny centr
Dahavor kupli-prodažu ziamielnaha ŭčastka płoščaj bolš za 27 ha padpisany pamiž Kampanijaj pa raźvićci industryjalnaha parka i Wildberries padčas Biełaruskaha inviestycyjnaha foruma ŭ Maskvie.
23.11.2023 / 12:39
Padpisańnie damovy pamiž Kampanijaj pa raźvićci industryjalnaha parka i Wildberries padčas Biełaruskaha inviestycyjnaha foruma ŭ Maskvie. Fota: «Vialiki kamień»
Uhoda pa prodažy ziamielnaha ŭčastka takoj płoščy ŭ pryvatnuju ŭłasnaść zjaŭlajecca najbujniejšaj u historyi industryjalnaha parka «Vialiki kamień» i Respubliki Biełaruś za 2023 hod, piša pres-słužba «Vialikaha kamienia».
Prajekt u śfiery kompleksnaj łahistyki maje na ŭvazie stvareńnie raźmierkavalnaha centra Wildberries z vykarystańniem sučasnaha technałahičnaha abstalavańnia. Centr ahulnaj płoščaj bolš za 120 000 m2, zhodna z paviedamleńniem, budzie samym bujnym łahistyčnym abjektam Biełarusi.
Prajektam praduhledžvajecca stvareńnie kala 5-6 tysiač pracoŭnych miescaŭ.
Wildberries — adna z najbujniejšych ličbavych płatformaŭ JEAES, zasnavanaja ŭ 2004 hodzie. Ciapier jana stanovicca častkaj industryjalnaha parka, dziakujučy čamu «atrymaje pieravahi i mahčymaści dla raźvićcia svajho biźniesu ŭ Biełarusi», piša pres-słužba «Vialikaha kamienia».