Kruhlanskamu pradprymalniku dali 6 hadoŭ i 6 miesiacaŭ pazbaŭleńnia voli za pratesty i «niavypłatu padatkaŭ»
Sud Kruhlanskaha rajona 23 listapada vynies prysud viadomamu ŭ rajcentry Kruhłaje pradprymalniku Alaksandru Kalinu. Sudździa Maryna Vieciarec pryznała jaho vinavatym va «ŭchileńni ad vypłaty padatkaŭ» (art. 243 č. 3 KK RB) i «arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich» (art. 342 č. 1), pa sutnaści — va ŭdziele ŭ mirnych šeściach u žniŭni 2020 hoda, piša Mayday.team.
23.11.2023 / 21:26
Kruhlanskija pradprymalniki viartajuć uładam hramaty i ŭznaharody. Žnivień 2020 hoda
Kalinu prysudzili da 6,5 hadoŭ pazbaŭleńnia voli va ŭmovach uzmocnienaha režymu. Akramia taho, viadoma, što biznesoŭca čakaje kanfiskacyja niekatoraj majomaści.
U žniŭni 2020 hoda staršynia Kruhlanskaha rajvykankama Ściapan Pałońnikaŭ sklikaŭ praŭładny mitynh, na jakim publična abraziŭ pradprymalnika Alaksandra Kalina za jahonuju hramadzianskuju pazicyju. U adkaz ad imia pradprymalnikaŭ Alaksandr Kalin z kalehami viarnuli ŭ rajvykankam bolš za dziasiatak uznaharod, hramat i padziak, atrymanych ad čynoŭnikaŭ, jakija klalisia raniej u družbie i pavazie. Dypłomy jany raskłali prosta na hanku rajvykankama.
Dva z pałovaj hady ŭłady ŭstrymlivalisia ad represij u dačynieńni da pradprymalnika. Ale 27 lutaha 2023 hoda supracoŭniki DFR i Śledčaha kamiteta vyrašyli ŭziać Alaksandra Kalina pad vartu. Spačatku jamu pradjavili abvinavačvańnie va ŭchileńni ad vypłaty padatkaŭ šlacham utojvańnia abo zanižeńnia padatkovaj bazy. Roŭna praź miesiac, 27 sakavika, prakuror Kruhlanskaha rajona Alaksandr Ramanaŭ sankcyjanavaŭ pieratrusy ŭ Kruhłym užo ŭ ramkach kryminalnaj spravy pa abvinavačvańni Alaksandra Kalina va ŭdziele ŭ niesankcyjanavanych masavych mierapryjemstvach u Minsku ŭ pieryjad z 16 pa 23 žniŭnia 2020 hoda.
Čytajcie taksama:
U Kareličach aryštavali ekskursavoda Juryja Krasoŭskaha. Dla jaho heta ŭžo čaćviorty raz
«Prykmietna schudnieŭ». Palitviazień Siarhiej Sparyš pračytaŭ u kałonii ŭ aryhinale «Zamak» Kafki