У сектары Газа ўступіла ў сілу пагадненне аб спыненні агню
Згодна з дамоўленасцямі Ізраіля і ХАМАС, 4-дзённае перамір'е пачалося сёння а 7-й раніцы па мясцовым часе (8-я раніцы па Мінску). Першыя ізраільскія закладнікі павінны быць вызваленыя а 16-й гадзіне па мясцовым часе.
24.11.2023 / 09:02
Здымак ілюстрацыйны. Фота: Christopher Furlong/Getty Images
Усяго ХАМАС перадасць Ізраілю 13 чалавек. Пазней пакуль што неназваная колькасць палесцінскіх зняволеных будзе вызвалена Ізраілем.
Усяго за чатыры дні ХАМАС плануе вызваліць 50 закладнікаў, захопленых групоўкай 7 кастрычніка ў Ізраілі. За кожнага закладніка Ізраіль аддасць траіх палесцінскіх зняволеных.
ЦАХАЛ таксама абавязаўся прапусціць на тэрыторыю анклава першыя 200 грузавікоў з гуманітарнай дапамогай.
Чытайце таксама:
Ізраіль і ХАМАС нарэшце абвясцілі пра часовае перамір'е — праз паўтара месяцы з пачатку вайны
Ізраіль дамовіўся пра вызваленне 50 закладнікаў у абмен на перамір'е ў Газе
Катар заявіў пра фінальную стадыю перамоваў з ХАМАС па закладніках