Rumynija adznačaje hadavinu skidańnia režymu Čaŭšesku
22.12.2009 / 14:21
U Rumynii prachodziać uračystyja cyrymonii ŭ suviazi z 20‑hodździem revalucyi, u vyniku jakoj byŭ zrynuty režym kamunistyčnaha lidera Mikałaje Čaŭšesku.
Ludzi prynosiać kvietki na mohiłki, dzie pachavali zahinułych padčas padziej 20‑hadovaj daŭniny, taksama prychodziać da miescaŭ, źviazanych z narodnymi vystupleńniami ŭ 1989 hodzie.
U vyniku sutyknieńniaŭ pa ŭsioj krainie tady zahinuli bolš za 1110 čałaviek.
Prezident Trajan Besiesku zajaviŭ, što vinavatyja ŭ hibieli ludziej u 1989 hodzie da hetaha času nie panieśli pakarańnia.
U Rumynii pa‑raniejšamu praciahvajucca sprečki ab tym, chto stralaŭ pa ŭdzielnikach narodnych vystupaŭ suprać režymu Čaŭšesku.