Ksiondz Ihar Łašuk adchileny ad vykanańnia abaviazkaŭ na čas rasśledavańnia
Pavodle krynic «Chryścijanskaj vizii» paśla apublikavańnia vynikaŭ rasśledavańnia Rabočaha Rucha, archibiskup Juzaf Stanieŭski časova zabaraniŭ u słužeńni probašča sa Stoŭbcaŭ.
25.11.2023 / 16:39
Ksiondz Ihar Łašuk. Fota: Radyjo Maryja
Adbyłosia heta nie paśla taho, jak rasśledavalniki sprabavali vyjści na suviaź ź Minska-Mahiloŭskaj kuryjaj i apostalskaj nuncyjaturaj u Minsku, a paśla apubličvańnia novych faktaŭ.
Učora kuryja Minska-Mahiloŭskaj archidyjacezii apublikavała paviedamleńnie, pavodle jakoha «Sprava ks. Ihara Łašuka, probašča parafii sv. Kazimira ŭ Stoŭbcach, daśledujecca ŭ śviatle normaŭ Kodeksa Kananičnaha prava».
Niekalki dzion tamu «Rabočy ruch» vypuściŭ rasśledavańnie pra toje, što tytuł papskaha rycara dla nabližanaha da Łukašenki biznesoŭca Alaksandra Zajcava łabiravaŭ ksiondz Ihar Łašuk, i heta rabiłasia dziela abychodu sankcyj.
Taksama ŭ rasśledavańni havorycca pra toje, što Ihar Łašuk, imavierna, źjaŭlajecca tatam dvuch chłopčykaŭ 2010 i 2013 h. n. i maje pastajannyja suviazi ź ich maci Taćcianaj Savickaj.
Katalickim śviataram zabaroniena mieć siamju, i jany prymajuć celibat.
Čytajcie taksama:
Ksiandza Łašuka abvinavacili ŭ tym, što jon maje dziaciej. Kaścioł pačaŭ raźbiralnictva
U Stoŭbcach adnavili bramu kaścioła, źniščanaha savietami
Katalikam Stoŭbcaŭ pieradali ŭčastak ziamli, na jakim niekali stajaŭ histaryčny kaścioł