БАТЭ ўпершыню з 2005 года можа застацца без медалёў
Каб захаваць шанцы на 3-е месца, 15-разоваму чэмпіёну Беларусі па футболе трэба было перамагаць ужо нематываваны «Нёман», паколькі мінскае «Дынама» выйграла залатыя медалі.
26.11.2023 / 19:03
БАТЭ павёў у ліку, потым прапусціў два мячы, потым зраўняў лік — 2:2, а затым вырваў перамогу — 3:2.
Цікавы эпізод здарыўся на 55-й хвіліне матча. Дзмітрый Анцілеўскі (БАТЭ) бег у атаку, яго збіў Іван Садоўнічы («Нёман»). Анцілеўскі ў адказ баднуў Івана ў спіну, завязалася бойка. У выніку абодва футбалісты атрымалі чырвоныя карткі.
- Дынама Мінск — 66, 2. Нёман — 59, 3. Тарпеда-БелАЗ — 49, 4. Іслач — 47, 5. БАТЭ — 47…
…13. Шахцёр — 6, 14. Белшына — 3, 15. Энергетык-БДУ — 1.
Вылятае з вышэйшай лігі каманда, што зойме апошняе месца, а клуб, што фінішуе перадапошнім, будзе гуляць стыкавыя матчы з «Віцебскам».
2 снежня будзе згуляны апошні тур.
Тарпеда-Жодзіна згуляе ў гасцях з мінскім «Дынама». БАТЭ ў гасцях сустрэнецца з салігорскім «Шахцёрам», «Іслач» — з «Мінскам», «Энергетык-БДУ» са «Славіяй», а «Белшына» з брэсцкім «Дынама».
БАТЭ ўпершыню з 2005 года можа застацца без медалёў.
Клуб выйшаў у вышэйшую лігу ў 1998 годзе і да 2004 года браў медалі, у тым ліку двойчы станавіўся чэмпіёнам (1999, 2002).
У 2005 годзе БАТЭ фінішаваў на пятым месцы, а потым з 2006 па 2018 год выйграваў чэмпіянат Беларусі.
Чытайце таксама:
Мінскае «Дынама» стала чэмпіёнам Беларусі па футболе
У чэмпіянаце Італіі згуляў 15-гадовы футбаліст. І гэта рэкорд
Не спыніць, не стрымаць! Ілля Шкурын аформіў хет-трык у матчы польскай экстракласы