Prakurorka Valeryja Taratynka, što prasłaviłasia hučnymi palityčnymi pracesami, zaniałasia hienacydam
Maładaja prakurorka paśpieła napisać padručnik dla školnikaŭ i pajeździć na sustrečy z pracoŭnymi kalektyvami.
27.11.2023 / 13:27
Valeryja Taratynka na fota sprava. Fota: Dom presy
U Domie presy siońnia prajšła pres-kanfierencyja na temu «Ab hienacydzie biełaruskaha naroda ŭ hady Vialikaj Ajčynnaj vajny. Karnyja apieracyi». Źviartaje na siabie ŭvahu adna z udzielnic mierapryjemstva — staršy prakuror upraŭleńnia pa nahladzie za rasśledavańniem asabliva važnych kryminalnych spraŭ Hienieralnaj prakuratury Valeryja Taratynka.
Jana raskazała pra vyniki rasśledavańnia hienacydu i prarekłamavała knihu hienprakurora Andreja Švieda. I dadała, što vydańnie «atrymała vysokuju acenku ad vyšejšych słužbovych asob Hiermanii i Brazilii».
U prakuratury Taratynka pracuje z 2017 hoda. U 2020-m jana była staršaj pamočnicaj prakurora Frunzienskaha rajona Minska. U kancy 2021-ha ŭžo pracavała ŭ Hienprakuratury — prakuroram va ŭpraŭleńni ŭzajemadziejańnia sa ŚMI i redakcyjnaj dziejnaści.
Na ciapierašniaj pasadzie Taratynka zhadvajecca ź leta 2022 hoda.
Jana stała adnoj z układalnikaŭ vučebnaha dapamožnika dla 1-4 kłasaŭ «Hienacyd biełaruskaha naroda ŭ hady Vialikaj Ajčynnaj vajny». Siarod recenzientaŭ padručnika, jaki vydali sioleta, — deputat Ihar Marzaluk.
Prakurorka jeździć taksama na sustrečy z kalektyvami, dzie raskazvaje pra hienacyd u hady VAV.
28-hadovaja Valeryja Taratynka spryčyniłasia da niekalkich hučnych palityčnych spravaŭ.
Siarod inšaha, była abvinavaŭcaj pa spravie minčukoŭ, što pakinuli nadpis «Nie zabudziem» na tratuary na miescy hibieli Alaksandra Tarajkoŭskaha, a taksama na sudzie nakont aplavuchi prapahandystu Ryhoru Azaronku.
U niekalkich sudovych spravach jana była paciarpiełaj — ad kamientaryjaŭ.
«Kali mnie było hadoŭ siem, maci spytała, kim ja chaču stać u budučyni, — uzhadvała jana. — Nie zadumvajučysia, adkazała: «Prakuroram!» Usio tamu, što ŭ dziacinstvie była vialikaj prychilnicaj sieryjała «Tajamnicy śledstva». Ja časta hladzieła z baćkami naviny, asabliva padabalisia siužety, u jakich ludzi ŭ pahonach davali kamientary pa kryminalnych spravach».
Čytajcie taksama:
Prakurorcy Taratynka dali kvateru ŭ Sienicy?
Za abrazu prakurorki Taratynka mužčynu pakarali dvuma hadami chatniaj chimii
Jašče troje pratestoŭcaŭ atrymali terminy za nadpis «Nie zabudziem» na miescy hibieli Tarajkoŭskaha