Побач з праспектам Пераможцаў узводзяць новы будынак. Што там будзе
Побач з комплексам Riviera Plaza у гэтым месяцы пачалі ўзводзіць новы будынак. Onlíner даведаўся, што менавіта вырасце за будаўнічым плотам.
27.11.2023 / 17:54
Фота: People.onliner.by
Адрас новай установы — праспект Пераможцаў, 102а. Тут з'явіцца будынак на два паверхі з тэрасай, плошчай каля 1500 «квадратаў». Там размесціцца «Веладрайв», звязаны з сеткай «Бургер Кінг».
Дэталі праекта Onlíner распавялі ў ТАА «Квартал энергія», якое займаецца аб'ектам.
Фота: People.onliner.by
— Мы хочам зрабіць нашу сталіцу яшчэ больш прывабнай і зручнейшай для гараджан, — распавёў прадстаўнік кампаніі. — Менавіта таму ўзнікла ідэя развіваць інфраструктуру ў ваколіцах веладарожак. Выбралі месца з максімальнай канцэнтрацыяй веласіпедыстаў, а таксама аматараў самакатаў, гіраскутараў. Іх хуткае абслугоўванне і стане галоўнай мэтай будынка.
Тут можна будзе сустрэцца на філіжанку кавы з байкерамі і веласіпедыстамі, абмеркаваць навіны ці проста пагутарыць.
Фота: People.onliner.by
У будынку «Веладрайва» абяцаюць сучасны інтэр'ер і комплекс паслуг для веласіпедыстаў. Там будзе месца для захоўвання ровараў, рамонтная майстэрня, арэнда ровараў і экатранспарту, а таксама крама з аксэсуарамі і запчасткамі для ровараў.
З вуліцы будуць арганізаваны акенцы для хуткага абслугоўвання веласіпедыстаў, а прылеглую тэрыторыю добраўпарадкуюць.
— Было няпроста ўпісаць першапачатковую ідэю ў такую маленькую прастору, але дзякуючы зладжанай працы з дзяржаўнымі арганізацыямі мы зрабілі ўсё магчымае. Асобную ўвагу надалі веласіпедыстам з дзецьмі. Для іх у нас будзе гульнявая пляцоўка, дзе яны змогуць весела правесці час, — дадаў ён.
Фота: People.onliner.by
У «Веладрайве» таксама плануюць праводзіць розныя мерапрыемствы і майстар-класы для дзяцей, каб развіць іх цікавасць да актыўнага ладу жыцця і веласіпеднай культуры.
— Хочам, каб наш будынак стаў цэнтрам прыцягнення для ўсіх аматараў ровараў і іншага экатранспарту ў Мінску. Імкнемся стварыць месца, дзе можна не толькі атрымліваць неабходныя паслугі і пакупкі, але і праводзіць час з сям'ёй і сябрамі, абменьвацца вопытам і сустракацца з аднадумцамі, — адзначыў прадстаўнік кампаніі.
Узводзіць аб'ект пачалі ў гэтым месяцы, справіцца плануюць за паўгода, «калі надвор'е дазволіць весці працы».
Чытайце таксама:
Гандлёвы дом «На Нямізе» ў Мінску перабудуюць
У цэнтры Мінска зносяць трохпавярховік. Тут будзе новы ўчастак трэцяй лініі метро
У Мінску сталі разбіраць даўгабуд на Маякоўскага. Што там збіраюцца ўзвесці