Za stanam minskich mastoŭ buduć sačyć u aŭtamatyzavanym režymie
U Minsku stvarajuć aŭtamatyzavany centr manitorynhu stanu mastoŭ. Na ich ustalujuć datčyki, danyja ź jakich buduć pastupać na siervier pradpryjemstva «Haraŭtamost». Pra heta ahienctvu «Minsk-Naviny» raskazaŭ dyrektar pradpryjemstva Pavieł Važnik. Pry niebiaśpiecy abvalvańnia sistema pavinna padać sihnał tryvohi.
28.11.2023 / 09:54
Nočču 8 studzienia 2022 hoda ŭ Minsku abvaliŭsia most cieraź Niamihu
Adzin z puciepravodaŭ — na pr. Pieramožcaŭ praz vuł. M. Bahdanoviča — užo padklučany da sistemy. Na puciepravodzie na MKAD praz aŭtadarohu Minsk-Dziaržynsk taksama ŭstanoŭleny datčyki, ich padłučać da sistemy da kanca 2023 hoda.
«Na manitory kampjutara śpiecyjalist pradpryjemstva bačyć mikrapieramiaščeńni elemientaŭ zbudavańnia adnosna nulavoj adznaki. Pry pieravyšeńni dapuščalnych paramietraŭ sistema pasyłaje sihnał tryvohi», — kaža Važnik pra pryncyp pracy aŭtamatyzavanaha manitorynhu.
U 2023 hodzie ŭ stalicy poŭnaściu zamianili pakryćcio na piaci mastach i puciepravodach. Kapitalny ramont praviali na puciepravodach na 25-m km MKAD nad vyjezdam sa stalicy ŭ bresckim napramku i na vuł. Zaparožskaj.
Ciapier iduć pracy na abjekcie pamiž vuł. Čkałava i vuł. Maskoŭskaj.
U 2024 hodzie ŭ Minsku płanujuć adramantavać siem mastavych zbudavańniaŭ.