U Viazyncy vysiakajuć staryja drevy. Źniščyli lipy, pasadžanyja ŭdavoj Janki Kupały
U majontku Viazynka, dzie naradziŭsia Janka Kupała, źbirajucca vysiekčy bolš za 20 dreŭ.
28.11.2023 / 11:14
«U Kupałaŭskaj Viazyncy drevy siakuć — treski laciać u kadr», — tak pačynaje siužet karespandent ANT.
Siarod vysiečanych dreŭ — adna ź lip, pasadžanych u siaredzinie minułaha stahodździa ŭdavoj kłasika Uładzisłavaj Łucevič. Źniščyli taksama viarbu, jakaja była vizitoŭkaj Viazynki.
Kamunalniki raspaviadajuć, što praviali kompleksnaje abśledavańnie na terytoryi muzieja Janki Kupały i 27 dreŭ niby pryznali niebiaśpiečnymi — paškodžańni stvałoŭ byli značnyja, a mnohija drevy ŭsychali.
Na skrynie videa śpiłavanyja drevy vonkava vyhladajuć zdarovymi
«Byvaje, što zvonku navat nie vyznačyš, nakolki dreva drennaje. A kali ŭžo pačynaješ vydalać, vidać paškodžańnie ŭnutranaje stvała», — apraŭdvaje vysiečku pradstaŭnica ŽKH.
Naleta tut abiacajuć pasadzić novyja drevy.