Indyjec chacieŭ pierasiačy miažu Biełarusi z padroblenym brytanskim pašpartam
U punkcie propusku «Brest» unačy 24 listapada pry afarmleńni aŭtobusa, jaki ruchaŭsia ź Minska ŭ Varšavu, pamiežniki vyjavili mužčynu z padroblenym pašpartam, paviedamili ŭ Dziaržaŭnym pamiežnym kamitecie.
28.11.2023 / 16:39
Mužčyna-indyjec padaŭ pamiežnikam pašpart hramadzianina Vialikabrytanii.
«U pamiežnaha narada ŭźnikli sumnievy ŭ sapraŭdnaści dakumienta. U chodzie śpiecyjalnaj pravierki ŭstanoŭlena, što jon całkam padrobleny», — raskazali ŭ DPK.
Paśla ŭ pravym čaraviku inšaziemca znajšli sapraŭdny pašpart hramadzianina Indyi, jaki naležaŭ jamu.
Pavodle infarmacyi DPK, u Minsk mužčyna prybyŭ z Maskvy. Kančatkovym punktam maršrutu žychara Deli pavinna była stać Partuhalija.
Za vykarystańnie padroblenaha pašparta ŭ dačynieńni da indyjca zaviali kryminalnuju spravu.
Čytajcie taksama: