Palitviazień Pavieł Babčanok vyjšaŭ na volu
Pavieł — uładalnik homielskaj sietki kram kaśmietyki «Krasunia».
29.11.2023 / 11:40
Jaho abvinavacili ŭ raspalvańni rasavaj, nacyjanalnaj, relihijnaj ci inšaj sacyjalnaj varožaści (č. 1 art. 130 Kryminalnaha kodeksa).
Pavodle aficyjnaj infarmacyi, u vieraśni 2020 hoda Babčanok vykłaŭ u sacsietcy skrynšot, na jakim byŭ kadr z pratestaŭ u žniŭni 2020 hoda na vulicy Savieckaj u Homieli. Svoj dopis jon supravadziŭ tekstam, u jakim nazvaŭ siłavikoŭ «niedaludźmi» i vykazaŭ nadzieju, što jany «adkažuć za złačynstvy suprać svajho naroda».
U žniŭni 2022 hoda sud pakaraŭ jaho pazbaŭleńniem voli ŭ kałonii ahulnaha režymu na dva hady.
Pavieł 28 listapada vyjšaŭ na volu ź viciebskaj kałonii № 3, całkam adbyŭšy termin, piša «Viasna».
Čytajcie taksama: